ಶಿವಮೊಗ್ಗ: ಸಾಗರ ನಗರದ ಖ್ಯಾತ ಪ್ರವಾಸ ಸಂಸ್ಥೆ ‘ಮರ್ಯಮ್ ಟೂರ್ಸ್ ಅಂಡ್ ಟ್ರಾವೆಲ್ಸ್’ ಆಯೋಜಿಸಿದ್ದ ಸೌದಿ ಅರೇಬಿಯಾದ ಮೆಕ್ಕಾ ಮುಖರ್ರಮಾ ಮತ್ತು ಮದೀನಾ ಮುನವ್ವರಾ ಉಮ್ರಾ ಪ್ರವಾಸವು ಸಾಂಗವಾಗಿ ನೆರವೇರಿದೆ. ನಗರದ 40 ಮಂದಿಯ ಯಾತ್ರಾರ್ಥಿಗಳ ಜಮಾಅತ್ ತಮ್ಮ ಪವಿತ್ರ ಯಾತ್ರೆಯನ್ನು ಮುಗಿಸಿ ಸುರಕ್ಷಿತವಾಗಿ ಊರಿಗೆ ಹಿಂತಿರುಗಿದೆ.
ಮೆಕ್ಕಾದಲ್ಲಿ ನಾಲ್ಕು ಉಮ್ರಾ ನೆರವೇರಿಸಿದ ತಂಡ
ಸಂಸ್ಥೆಯ ಮುಖ್ಯಸ್ಥ ತನ್ವೀರ್ ಹುಸ್ಸೇನ್ ಅವರ ಮಾರ್ಗದರ್ಶನದಲ್ಲಿ ತೆರಳಿದ್ದ ತಂಡವು ಮೆಕ್ಕಾದಲ್ಲಿ ಎಂಟು ದಿನಗಳ ಕಾಲ ತಂಗಿತ್ತು. ಈ ಅವಧಿಯಲ್ಲಿ ಯಾತ್ರಾರ್ಥಿಗಳು ಒಟ್ಟು ನಾಲ್ಕು ಬಾರಿ ಉಮ್ರಾ ನೆರವೇರಿಸುವ ಧನ್ಯತೆ ಪಡೆದರು. ಇದರೊಂದಿಗೆ ಇಸ್ಲಾಮಿಕ್ ಇತಿಹಾಸದ ಪ್ರಸಿದ್ಧ ತಾಣಗಳಾದ ಘಾರೆ ಹೀರಾ, ಸೂರ್ ಗುಹೆ, ಆರಾಫಾತ್, ಮೀನಾ-ಮುಸ್ದಲಿಫಾ, ಜಮ್ರಾತ್, ಜನ್ನತುಲ್ ಮುಹಲ್ಲಾ, ತಾಯಿಫ್ ಕಣಿವೆ ಹಾಗೂ ಹುದೈಬಿಯಾ ಕ್ಷೇತ್ರಗಳಿಗೆ ಭೇಟಿ ನೀಡಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.
ಮದೀನಾದ ಪ್ರಸಿದ್ಧ ಏಳು ಮಸೀದಿಗಳ ವೀಕ್ಷಣೆ
ಮೆಕ್ಕಾ ಯಾತ್ರೆಯ ನಂತರ ತಂಡವು ಮದೀನಾ ನಗರಕ್ಕೆ ಪ್ರಯಾಣಿಸಿ ಐದು ದಿನಗಳ ಕಾಲ ವಾಸ್ತವ್ಯ ಹೂಡಿತು. ಮಸ್ಜಿದುನ್ನಬವಿಯ ಇಬಾದತ್ ಜತೆಗೆ, ಸಲ್ಆ ಪರ್ವತದ ತಪ್ಪಲಿನಲ್ಲಿರುವ ಚಾರಿತ್ರಿಕ ಹಿನ್ನೆಲೆಯ ‘ಸಬಾ ಮಸೀದಿ’ (ಏಳು ಮಸೀದಿಗಳ ಸಮುಚ್ಚಯ) ಸೇರಿದಂತೆ ಮದೀನಾದ ವಿವಿಧ ಮಹತ್ವದ ಸ್ಥಳಗಳ ಸಂದರ್ಶನ ಮಾಡಿತು.
ಆರಂಭದಿಂದ ಅಂತ್ಯದವರೆಗೆ ಅಚ್ಚುಕಟ್ಟಾದ ಸೇವೆ
ಒಟ್ಟು 15 ದಿನಗಳ ಪರ್ಯಟನೆಯುದ್ದಕ್ಕೂ ಯಾತ್ರಿಕರಿಗೆ ಯಾವುದೇ ತೊಂದರೆಯಾಗದಂತೆ ಸಂಪೂರ್ಣ ದೇಸೀ (ಭಾರತೀಯ) ಶೈಲಿಯ ಶುಚಿ-ರುಚಿಯಾದ ಆಹಾರವನ್ನು ಒದಗಿಸಲಾಗಿತ್ತು. ಸಾಗರದಿಂದಲೇ ಯಾತ್ರೆಯನ್ನು ಪ್ರಾರಂಭಿಸಿ, ಇಡೀ ಪ್ರವಾಸ ಮುಗಿಸಿ ಮತ್ತೆ ಸಾಗರಕ್ಕೆ ಕರೆತರುವವರೆಗಿನ ಸಂಪೂರ್ಣ ಹೊಣೆಯನ್ನು ಹೊತ್ತು ಸಂಸ್ಥೆಯು ಕಲ್ಪಿಸಿದ ವ್ಯವಸ್ಥೆಗೆ ಯಾತ್ರಾರ್ಥಿಗಳು ತೃಪ್ತಿ ವ್ಯಕ್ತಪಡಿಸಿದ್ದಾರೆ.
