Gold Silver Price Crash: ಚಿನ್ನ, ಬೆಳ್ಳಿ ದರದಲ್ಲಿ ಭಾರಿ ಕುಸಿತ

Sharp drop in gold and silver prices

ನವದೆಹಲಿ: ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿಯ ಬೆಲೆಯಲ್ಲಿ(Gold Silver prices) ಭಾರಿ ಕುಸಿತ ದಾಖಲಾಗಿದ್ದು, ಕಳೆದ ಮಾರ್ಚ್ 2026ರ ಬಳಿಕ ಚಿನ್ನವು(Gold Prices) ಅತಿ ದೊಡ್ಡ ವಾರದ ನಷ್ಟವನ್ನು ಅನುಭವಿಸಿದೆ. ಕಳೆದ ಐದು ದಿನಗಳ ನಿರಂತರ ಇಳಿಕೆಯ ಪರಿಣಾಮ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಂಗಾರದ ದರ(Silver Prices) ಸುಮಾರು ಶೇ. 9ರಷ್ಟು ಕುಸಿದು, 2025ರ ಸೆಪ್ಟೆಂಬರ್ ನಂತರದ ಕನಿಷ್ಠ ಮಟ್ಟವಾದ ಪ್ರತಿ ಔನ್ಸ್‌ಗೆ $3,500ರ ಆಸುಪಾಸಿಗೆ ಬಂದು ತಲುಪಿದೆ. ಇದೇ ಅವಧಿಯಲ್ಲಿ ಬೆಳ್ಳಿಯ ಬೆಲೆಯೂ ಶೇ. 15ರಷ್ಟು ಕುಸಿತ ಕಂಡಿದೆ.

ಜಾಗತಿಕ ಮಾರುಕಟ್ಟೆಯ ಕುಸಿತಕ್ಕೆ ಕಾರಣವೇನು?

ರಾಯಿಟರ್ಸ್ ಹಾಗೂ ಬ್ಲೂಮ್‌ಬರ್ಗ್ ವರದಿಗಳ ಪ್ರಕಾರ, ಶುಕ್ರವಾರ ಸ್ಪಾಟ್ ಚಿನ್ನದ ಬೆಲೆ ಶೇ. 3ರಷ್ಟು ಇಳಿಕೆಯಾಗಿ ಪ್ರತಿ ಔನ್ಸ್‌ಗೆ $3,514.08ಕ್ಕೆ ತಲುಪಿದರೆ, ಡಿಸೆಂಬರ್ ವಿತರಣೆಯ ಅಮೆರಿಕದ ಚಿನ್ನದ ಫ್ಯೂಚರ್ಸ್ ದರ ಶೇ. 4.6ರಷ್ಟು ಕುಸಿದು $3,515.40ಕ್ಕೆ ಸ್ಥಿರವಾಗಿದೆ. ಇನ್ನು ಸ್ಪಾಟ್ ಬೆಳ್ಳಿ ದರ ಶೇ. 4.1ರಷ್ಟು ಇಳಿಕೆಯಾಗಿ ಪ್ರತಿ ಔನ್ಸ್‌ಗೆ $40.99ಕ್ಕೆ ಬಂದು ನಿಂತಿದೆ; ಇದು ಕಳೆದ ಜನವರಿಯಲ್ಲಿ ದಾಖಲಾಗಿದ್ದ $121.64ರ ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕಿಂತ ಬರೋಬ್ಬರಿ ಶೇ. 66.3ರಷ್ಟು ಕಡಿಮೆಯಾಗಿದೆ.

ಕೃತಕ ಬುದ್ಧಿಮತ್ತೆ (AI) ಕಂಪನಿಗಳ ಮೇಲಿನ ಆತಂಕದಿಂದ ಹೂಡಿಕೆದಾರರು ಬಂಡವಾಳ ಹಿಂಪಡೆಯುತ್ತಿರುವುದು, ಅಮೆರಿಕ ಮತ್ತು ಇರಾನ್ ನಡುವಿನ ಯುದ್ಧದ ಮುಂದುವರಿಕೆ ಹಾಗೂ ಅಮೆರಿಕದ ಫೆಡರಲ್ ರಿಸರ್ವ್ ಮತ್ತಷ್ಟು ಬಡ್ಡಿದರ ಏರಿಕೆ ಮಾಡುವ ಸುಳಿವು ನೀಡಿರುವುದು ಮಾರುಕಟ್ಟೆಯ ಈ ಮಹಾ ಕುಸಿತಕ್ಕೆ ಪ್ರಮುಖ ಕಾರಣಗಳಾಗಿವೆ.

ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನ-ಬೆಳ್ಳಿ ದರ (ನವೆಂಬರ್ 21)

ಜಾಗತಿಕ ಕುಸಿತದ ಪರಿಣಾಮ ಭಾರತದ ಬುಲಿಯನ್ ಮಾರುಕಟ್ಟೆಯ ಮೇಲೂ ಬೀರಿದ್ದು, ಶನಿವಾರ (ನವೆಂಬರ್ 21) ದೇಶದಲ್ಲಿ 24 ಕ್ಯಾರೆಟ್ ಚಿನ್ನದ ಸರಾಸರಿ ದರ 10 ಗ್ರಾಂಗೆ ₹1,22,510 ಹಾಗೂ 999 ಫೈನ್ ಬೆಳ್ಳಿಯ ದರ ಪ್ರತಿ ಕೆ.ಜಿ.ಗೆ ₹1,49,590ಕ್ಕೆ ಇಳಿಕೆಯಾಗಿದೆ. ಜನವರಿ 2026ರ ಗರಿಷ್ಠ ಮಟ್ಟಕ್ಕೆ ಹೋಲಿಸಿದರೆ ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನದ ದರ ಶೇ. 30ಕ್ಕಿಂತ ಹೆಚ್ಚು ಕುಸಿದಂತಾಗಿದೆ.

ಪ್ರಮುಖ ನಗರಗಳ ಇಂದಿನ ದರ ವಿವರ (10 ಗ್ರಾಂ ಚಿನ್ನ ಮತ್ತು 1 ಕೆ.ಜಿ. ಬೆಳ್ಳಿಗೆ):

ನಗರ24 ಕ್ಯಾರೆಟ್ ಚಿನ್ನ22 ಕ್ಯಾರೆಟ್ ಚಿನ್ನ18 ಕ್ಯಾರೆಟ್ ಚಿನ್ನ999 ಫೈನ್ ಬೆಳ್ಳಿ (1 ಕೆ.ಜಿ.)
ಬೆಂಗಳೂರು₹1,22,390₹1,12,191₹91,793₹1,49,440
ಮುಂಬೈ₹1,22,290₹1,12,099₹91,718₹1,49,320
ನವದೆಹಲಿ₹1,22,080₹1,11,907₹91,560₹1,49,060
ಚೆನ್ನೈ₹1,22,650₹1,12,429₹91,988₹1,49,750
ಕೊಯಮತ್ತೂರು₹1,22,650₹1,12,429₹91,988₹1,49,750
ಹೈದರಾಬಾದ್₹1,22,490₹1,12,283₹91,868₹1,49,560
ಅಹಮದಾಬಾದ್₹1,22,450₹1,12,246₹91,838₹1,49,520
ಕೋಲ್ಕತ್ತಾ₹1,22,130₹1,11,953₹91,598₹1,49,120

ಗಮನಿಸಿ: ಮೇಲೆ ನೀಡಲಾದ ದರಗಳು ಬುಲಿಯನ್ ಮಾರುಕಟ್ಟೆಯ ಸೂಚ್ಯಂಕ ದರಗಳಾಗಿದ್ದು, ಆಭರಣ ಮಳಿಗೆಗಳಲ್ಲಿ ಜಿಎಸ್‌ಟಿ (GST) ಮತ್ತು ಮೇಕಿಂಗ್ ಚಾರ್ಜ್‌ಗಳು ಪ್ರತ್ಯೇಕವಾಗಿ ಅನ್ವಯವಾಗುತ್ತವೆ.